Barça blindon Messin, kontratë e re dhe klauzolë 700 mln Euro

Barça blindon Messin, kontratë e re dhe klauzolë 700 mln Euro
Loading...

Rinovimi i kontratës së Lionel Messit me Barcelonën, tashmë është zyrtar dhe për të çimentuar këtë moment kaq të rëndësishëm, mbërrin edhe fotoja e munguar, ku shihet pikërisht argjentinasi në krah të presidentit Bartomeu, gjatë procesit të hedhjes së firmave.

Kontrata e shumëpërfolur e Messit, e cila siç ishte paralajmëruar nga presidenti Bartomeu, ishte firmosur prej kohësh, ka lënë vend edhe për spekulime, pikërisht për foton e munguar, por tashmë kjo mund të quhet një çështje e mbyllur.

Në këtë mënyrë, Messi do të vijojë të jetë ikona e klubit katalanas deri në vitin 2021. Njëherazi është zyrtarizuar edhe klauzola e largimit, e cila kushton plot 700 milionë euro, shifër e vendosur për të përjashtuar njëherë e mirë mundësinë e përsëritjes së historisë me Neymarin, gjatë kësaj vere.

Një shifër e frikshme për një lojtar po të tillë, i cili që nga debutimi me katalanasit, numëron 602 ndeshje të luajtura, ku ka shënuar 523 gola dhe ka fituar 30 tituj. Historia vazhdon, të paktën deri në vitin 2021.

25 nëntor 2017 (gazeta-Shqip.com)

Burimi i artikullit: Gazeta SHQIP | Sport

Loading...
Facebook Twitter Google+

Facebook Comments

Artikuj të ngjashëm

Kliko Like per te vazhduar
Kliko Like për të vazhduar