Klasifikimi i FIFA-s, Shqipëria dhe Kosova fitojnë nga 9 pozicione

Klasifikimi i FIFA-s, Shqipëria dhe Kosova fitojnë nga 9 pozicione
Loading...

Plot 9 pozicione. Kaq vlen suksesi i Kombëtares Shqiptare në Turqi. Skuadra e Christian Panuccit është ngjitur ndjeshëm në klasifikimin e përgjithshëm të FIFA-s, duke u renditur në vendin e 62-të. Ky është një nga kapërcimet më të mëdha të Kombëtares Shqiptare gjatë viteve të fundit në këtë klasifikim, çka reflekton edhe momentin pozitiv të kuqezinjve që, pavarësisht humbjeve ndaj Spanjës dhe Italisë, kanë arritur të fitojnë ndjeshëm terren pas suksesit të Antalyas ndaj një skuadre me emra të mëdhenj si ajo e Mircea Lucescut.

Plot 9 pozicione fiton edhe Përfaqësuesja e Kosovës, pas fitores spektakolare ndaj Letonisë me rezultatin 4-3. Skuadra e drejtuar nga Muharrem Saiti ngjitet në vendin e 174-t të klasifikimit të përgjithshëm botëror, duke bërë një hap të madh, edhe pse rruga mbetet e gjatë.

Për sa i përket kreut, 5 vendet e para nuk ndryshojnë, me Gjermaninë që vazhdon të komandojë, e ndjekur nga Brazili, Portugaia, Argjentina dhe Belgjika, ndërsa Spanja fiton dy pozicione dhe ngjitet në vendin e 6-të. Edhe pse jashtë botërorit, Italia ka fituar një pozicion dhe është ngjitur në vendin e 14-të, ndërsa Anglia zbret në vendin e 15-të.

23 nëntor 2017 (gazeta-Shqip.com)

Burimi i artikullit: Gazeta SHQIP | Sport

Loading...
Facebook Twitter Google+

Facebook Comments

Artikuj të ngjashëm

Kliko Like per te vazhduar
Kliko Like për të vazhduar