Lideri i Autoritetit Palestinez nuk do të takohet me nënpresidentin amerikan Pence

Loading...

Lideri i Autoritetit Palestinez, Mahmud Abbas nuk do të takohet me nënpresidentin e Shteteve të Bashkuara, Mike Pence, gjatë një vizite që Pence do ta ketë në Izrael.

Ndihmësi i Abbas, Majdi al-Khaldi ka thënë sot se “nuk do të ketë takim”, pas vendimit të kësaj jave të presidentit të SHBA-së, Donald Trump për ta njohur Jerusalemin si kryeqytet të Izraelit.

“Shtetet e Bashkuara kanë kaluar të gjitha vijat e kuqe me vendimin e Jerusalemit”, ka thënë Khaldi.

“Një anëtar i lartë i partisë së Abbas-it i ka thënë AFP-së, se Pence “nuk është i mirë se ardhur në këtë vend”.

Pence planfikohet të udhëtojë në Lindjen e Mesme pak kohë para Krishtlindjeve.

Statusi i Jerusalemit është një nga çështjet më të ndjeshme në konfliktin izrealito-palestinez.

Autoriteti Palestinez e konsideron këtë vend si kryeqytet të shtetit të tyre në të ardhmen.

Shumica e vendeve i kanë ambasadat e tyre në Tel Aviv.

Në njoftimin e tij presidenti Trump ka thënë se do të zhvendosë Ambasadën Amerikane nga Tel Aviv në Jerusalem. Ky vendim pritet të zgjasë tre deri në katër vjet.

9 dhjetor 2017 (gazeta-Shqip.com)

Burimi i artikullit: Gazeta SHQIP | Bota

Loading...
Facebook Twitter Google+

Facebook Comments

Artikuj të ngjashëm

Kliko Like per te vazhduar
Kliko Like për të vazhduar